Маънавият ва маърифат бўлими, “Ўзбек, рус ва лотин тиллари” кафедраси ҳамкорлигида ташкил этилган тадбирда миллий анъана ва қадриятларимизни асраб-авайлаш, тиклаш, адабиётимизни ривожлантириш, навқирон авлодни дунёда ҳеч кимдан кам бўлмаган инсонлар этиб камолга етказиш Президентимиз Ислом Каримов раҳнамолигида маънавий-маърифий соҳаларда амалга оширилаётган ислоҳотларнинг бош мақсади экани таъкидланди. Мустақиллик йилларида буюк аждодларимизга алоҳида эҳтиром кўрсатиш, уларнинг муқаддас қадамжоларини обод қилиш, илмий-маънавий меросини кенг ўрганиш ва тарғиб этишга алоҳида эътибор қаратилмоқда. Буюк аждодимиз Алишер Навоий таваллудининг 573 йиллигига бағишлаб ўтказилган анжуманда баркамол фарзандларни тарбиялашда шоир ижодининг ўрнига алоҳида аҳамият қаратилди, – дейди “Ўзбек, рус ва лотин тиллари” кафедраси мудири, шоира К.Ш.Турдиева.